Dislipidemia

Dislipidemia është një çrregullim brenda profilit lipidik, që lidhet me ngritjet e kolesterolit total, LDL, apo holsetroli keq, tregliceridet TG ose anasjelltas dhe nivele më të ulëta të HDL ose kolesteroli mirë.

Dislipidemia mund të paraqitet si një çrregullim i vetëm që prek vetëm një lipoproteinë.

Yndyrërat e larta në gjak mund të jenë rezultat i mbiprodhimit ose mungesës së pastrimit të grimcave të lipoproteinave, ajo mund të jetë e lidhur me mutacione gjenetike, apo mund të jetë nga ndonjë shkaktar si ushqimi  me yndyra, inaktiviteti fizik, sëmundjet tjera endokrine si hipotiroza etj.

Cilat janë vlerat normale?

Vlerat e yndyrave nuk janë të njëjta për të gjitha kategoritë ato varen nga mosha, sëmundjet shoqëruese dhe faktorët e riskut.

Vlerat që synojmë bazuar në riskun Kardiovaskular?

Pacientet me risk shumë të lart  < 1.4mmol/l

Risk të lart < 1.8 mmol/l

Risk të moderuar < 2.6 mmol/l

Risk të ulet  < 3.0 mmol/l

Rritja e nivelit të yndyrës në gjak është faktor madhor i riskut për sëmundje Kardiovaskulare.

Ju duhet të shkoni tek kardiologu juaj nëse vlera e njërës nga lipidet është mbi vlerat referente.

Kolesteroli i lartë në gjak zakonisht nuk jep simptoma prandaj është e rëndësishme kontrollë e kolesterolit në gjak përmes një analizë të thjeshtë.

Sa shpesh duhet ta bëni analizën për kolesterol në gjak?

Shoqata Amerikane e Kardiologjisë rekomandon kontrollë të yndyrëave nga mosha mbi 20 vjeçare, çdo 4-6 vjet tek subjektet me risk të ulët. Ndërsa tek moshat mbi 40 vjeç kontrolli i yndyrës bazohet nga vlerësimi i riskut të përgjithshëm për sëmundje Kardiovaskulare.

Yndyrërat rrisin ndjeshëm riskun për infarkt të zemrës dhe të trurit!